存倉馬年第一日跌637 點，原來是野馬一隻，但未減股民對股市的興趣， 呢樣先係最緊要。古語有云，唔怕你精，唔怕你呆，最怕你唔來。沒有話題的股市仲恐怖過�市，只要大家對股市仲有興趣，就乜都唔怕。炒股唔炒市的說話，未來幾個月將繼續出現。跌幅最大的股票，並非細價股，是市值一千億的聯想（992）。去年11 月開始的升勢，只需一日半就完全消滅，話都冇咁快，原因是買了一件IBM low-endserver，同一件Motorola。兩件過氣貨尾要52 億美金，近400 億港紙，差不多是聯想市值的一半。如此巨型晒士兼市場普遍認為是下欄貨的交易，做一單都已經夠震撼，做夠兩單，趕在過年前公布，只有三種可能：一係趁放長假前搞掂，以免假期中有人殺出截糊，不過，下欄貨斷估無乜人爭；一係對家談判設限，一月尾要扑槌，咁�兩單都傾得成，就學特首施政方法，成熟一項推一項；但最後這推斷最似，趁新年假期市靜，快手將疑似壞消息推出街。若非大市跌六百幾點，未必跌得咁殘。巨資買下欄貨夠震撼千萬不要以為聯想蠢。上次買IBM 手儲存電腦已經俾人彈過一次，結果冇拖�公司之餘，市值節節上升。左手low-end server，右手過氣手機，是但一樣要過董事局，由下至上都會俾人問到反艇。一次過准你買兩樣，仲係晒士等於公司一半，只有極須博一博翻身的公司，又或者胸有成竹，計到準的公司才有膽做。聯想唔使博，一千億的公司要食老本話咁易。肯出左右�拳，一定有�外人唔知。買Motorola 有二千個專利，部分是Google 手機。最敏感的Google 保留，為�要過美國政府審批。中國是手機製造大國，聯想要做手機，返深圳一頭半個月大把有得學。肯用過百億港紙買，你信唔信聯想呢鋪冇買錯？反正我就信了。手機改變晒工作模式。以前出差趕稿，試過�住疊紙，在北京的士入面，托住塊板，佢有佢塞，我有我寫。塞完一個鐘返到酒店，上房用部手提scanner，scan 完入電腦再send 電郵，成身傢生。依家？�住部手機，去到邊打到邊，搞掂撳制send 得，快靚正。莫講北京，北極都唔怕。最衰Steve Jobs 死得早。唔係？聯想仲有大把下欄貨買。方卓如迷你倉
請先 登入 以發表留言。